Хураангуй:
Жолоочийн хариуцлагын албан журмын даатгал нь хөгжингүй болон хөгжиж буй улсуудын хувьд даатгалын бизнесийн голлох бүтээгдэхүүн юм. Жолоочийн хариуцлагын албан журмын даатгал нь дэлхийд чөлөөт үнийн системтэй, төрөөс хэсэгчилсэн зохицуулалттай болон бүрэн зохицуулалттай гэсэн гурван хэлбэрээр үйлчилж байна. Монгол улсын хувьд 2011 онд жолоочийн хариуцлагын албан журмын даатгалын тухай хуулийг баталж 2012 оны 1-р сарын 01-ны өдрөөс эхлэн хэрэгжүүлсэн байдаг. Жолоочийн хариуцлагын албан журмын даатгалын хураамж, үнэлгээг төрөөс хуулиар тогтоосон байдаг. Жолоочийн хариуцлагын албан журмын даатгалын хувьд даатгалын хосолсон харьцаа 100%-c дээш байгаа нь уг бүтээгдэхүүнээр даатгагчид алдагдалтай ажиллаж байгааг харуулж байна. Уг судалгааны ажлын хүрээнд даатгал, заавал даатгалын талаар онолын судалгаа хийх, олон улсад хэрэгжиж буй жолоочийн хариуцлагын даатгалын хураамж тооцох аргачлалуудыг судалж Монгол улсын нөхцөл байдалд тохирох аргачлалыг санал болгох юм. Судалгааны ажлын гол зорилгын хүрээнд Европын холбооны гишүүн улс орнууд, зүүн европын орнууд болон Япон, АНУ зэрэг даатгалын зах зээл өндөр хөгжсөн улсуудын туршлага, аргачлалыг судалж өөрийн улсын нөхцөл байдалд тохирох (Европын холбооны гишүүн улсуудын жишгээр суурь хураамжийг таван жилд нэг удаа инфляциар тохируулах) аргачлалыг сонгон авч ердийн даатгалын компаниудын таван жилийн гүйцэтгэлд тулгуурлан хосолсон харьцааг тооцход сонгосон аргачлал үр дүнтэй байгаа нь батлагдсан.
