Банкны салбарын чанаргүй зээлийг бууруулах арга зам

Abstract

Арилжааны банкуудад нэгэнт үүсээд буй чанаргүй зээл түүнтэй ажиллах арга замын өнөөгийн байдлыг тодорхойлж, онол болон гадны улсуудад амжилттай хэрэгжсэн кэйсүүдэд үндэслэж, чанаргүй зээлийн удирдлагыг сайжруулах боломжийг тодорхойлж, Монголын зах зээлд тохирох загварыг боловсруулж, зөвлөмж өгөх зорилготой энэхүү судалгааны ажлыг хийж гүйцэтгэсэн болно.

Судалгааны үр дүнд банкны салбарын чанаргүй зээлийг бууруулах банкны актив хөрөнгийн удирдлагыг сайжруулах үр дүн өндөртэй дараах саналыг гаргав. Үүнд:

1. Макро төвшинд: Монгол улсад төрийн өмчит төвлөрсөн активын удирдлагын корпрацийг засгийн газар болон сангийн яамтай хамтран байгуулах, түүний ажиллах нөхцөл боломжуудыг хууль эрх зүйн хүрээнд шийдвэрлэх, шүүхийн процессыг түргэсгэх үүднээс арбитрын шүүхээр дамжуулах, үл хөдлөх хөрөнгө шилжүүлэхтэй холбоотой татваруудаас чөлөөлөх, хөрөнгийн зах зээл дээр нээлттэй ажиллагаа явуулах боломжоор хангах, төв банкны зүгээс АУК-ын үйл ажиллагааг хянах, дүрмийн сан тогтоох.

2. Микро төвшинд: санхүүжилтийг ЗГ-с бонд гаргах замаар шийдвэрлэх, Монгол банкны эрх хүлээн авах ажиллагаатай холбоотой газар нэгжийг АУК-ын үйл ажиллагааны хяналтын нэгж болгон өөрчлөх, арилжааны банкууд өндөр дүнтэй болон бизнесийн зориулалттай зээлүүдийн зээлийн болон барьцааны гэрээнд өөрчлөлт оруулах, хөрөнгийн үнэлгээний стандарт тогтоох, үнэлгээний нэгдсэн сан бий болгох, хөрөнгийн зах зээлийн талаар компаниудыг мэдээллээр хангах, АУК-ын хүний нөөцийг бэлтгэх, бусад улсын АУК-аас тодорхой хугацаанд техник хамтын ажиллагааны тусламж заавар авч ажилласан болно.