ИРГЭДИЙН БАНКНЫ ХАРИЛЦАГЧИЙН СЕГМЕНТИЙГ БОЛОВСРОНГУЙ БОЛГОХ ЗАРИМ БОЛОМЖУУД

Abstract

Зах зээл дээр харилцагч нарт илүү олон талын эрэл хэрэгцээ жилээс жилд урган гарсаар байна. Тэгэхээр банк өөрийн харилцагч нарыг үнэн зөв таних, эрэлт хэрэгцээг цаг алдалгүй мэддэг байх буюу харилцагчаа хадгалахын тулд ямар бодлого, стратегийг хэрэгжүүлэх нь харилцагчийн сегментүүдээс хамаарна.

Тиймээс иргэдийн банкны хувьд харилцагчийн бүлэглэл яагаад хийх ёстой, түүнийг хэрхэн ангилах зэргийг тодорхойлох зорилгоор энэхүү ажлыг хийж гүйцэтгэв. Банкнуудын мэргэжилтнүүдээс ярилцлага болон асуулгын аргаар мэдээлэл цуглуулахдаа МУ-н өрсөлдөх чадварын судалгаанд дурдсанаар том болон дунд ангиллын 6 банкнуудын мэргэжилтнүүдийг хамрууллаа. Тэдгээрийн мэдээлэлд тулгуурлан иргэдээс холбогдох мэдээллийг асуулгын аргаар цуглуулсан тоон мэдээллийн судалгааг ашиглан банкны хувьд хэрхэн ангилж болох талаарх санал дүгнэлт гаргасан болно.

Гэхдээ тухайн байгууллагын стратеги, эрхэм зорилгоос хамаарч өөр өөр байх боломжтой юм. Судлаачийн зүгээс банк санхүүгийн салбарын хувьд судалгааны ажлаа гүйцэтгэсэн нь сегментийн хүчин зүйлээр санхүүгийн чадамж болон амьдралын үе шатуудыг сонгоход хүргэсэн. Мөн ОУ-д хэрэгжүүлсэн сегментчиллээс Монголын иргэдэд үйлчилгээ үзүүлдэг арилжааны банкнуудад алийг нэвтрүүлэх боломжтой талаар дурдсан болно.

Банк, санхүүгийн салбарт харьцангуй бусад салбартай харьцуулахад илүү түлхүү санхүүгийн мэдээллийг сегментийн хүчин зүйлээр сонгох нь давамгайлдаг байна. Өөрөөр хэлбэл, ирээдүйд бий болгох үр ашиг болон харилцагчийн бүтээгдэхүүн ашиглалтад тулгуурлан сегментчилэдэг байна. Түүнээс гадна дижиталчилагдсан эрэн үед тухайн харилцагчийн сувгийн сонголт маш их нөлөөлдөг болсон байна.

Тиймээс МУ-н арилжааны банкнуудын сегментчилэлийн хүчин зүйлс дотор тухайн харилцагчийн түлхүү ашигладаг сувгийг ашиглаасай хэмээн зөвлөх байна. Мөн түүнчлэн сегментчиллийг удирдах, шинэчлэхэд харилцагчийн удирдлагын систем буюу CRM-ийг хэрэгжүүлэх илүү үр дүнтэй болгоход тусална гэж үзлээ.