Хураангуй:
Түүхийн эдийн зах зээлийн үнэ хэлбэлзэх үед түүнийг дагаж үүсэх төсвийн алдагдал, гадаад өрийн хязгаарлалтыг гэтлэх нэг арга зам нь засгийн газрын харьяанд Төв банк байх буюу бие даасан байдлыг сул байлгах сонирхолтой гэж тайлбарладаг. Энэхүү судалгааны ажлаараа эрдэс баялаг ихтэй орнуудад төв банкны бие даасан байдал доогуур байдаг гэх таамаглалыг улс орнуудын тоон мэдээлэл дээр тулгуурлан олон хүчин зүйлсийн регрессийн шинжилгээгээр шалгасан болно. Судалгааны үр дүнд гол таамаглал болох Төв банкны бие даасан байдал болон эрдэс баялгийн хооронд шууд сөрөг хамаарал байгаагүй ч эрдэс баялаг нь Төв банкны бие даасан байдалд шууд бусаар нөлөөлөх боломжтой байна. Мөн инфляци болон Төв банкны бие даасан байдлын хооронд сөрөг хамаарал байдаг нь шинжилгээний үр дүнгээр харагдсан.
