Хураангуй:
Энэхүү дипломын ажлын хүрээнд замын шинжилгээний арга зүй, түүний хэрэглээг дэлгэрэнгүй авч үзлээ. Энэ шинжилгээний арга зүй нь хамааран хувьсагч болон хоёр ба түүнээс дээш тайлбарлагч хувьсагчдын хоорондын хамаарлыг судлах замаар учир шалтгааны загварыг үнэлэхэд ашиглагддаг олон хүчин зүйлийн регрессийн статистик дүн шинжилгээний нэг хэлбэр юм. Энэ аргыг ашигласнаар хувьсагчдын хоорондын учир шалтгааны холболтын хэмжээ, ач холбогдлыг хоёуланг нь тооцож болно. Энэхүү шинжилгээ нь онолын хувьд ач холбогдолтой тул бусад аргуудаас ялгаатай нь бүх тайлбарлагч хувьсагчдын хоорондын харилцааг зааж өгөхийг шаарддаг. Энэ нь хамааран хувьсагчид шууд болон шууд бус нөлөөг бий болгодог учир шалтгааны механизмыг харуулсан загварыг бий болгодог.Судалгааны ажлын хүрээнд онол арга зүйн олж авсан мэдлэг дээр тулгуурлан цалинд нөлөөлөгч хүчин зүйлсийн замын шинжилгээ хийв.
