ГРАНДМЕД ЭМНЭЛГЭЭР ҮЙЛЧЛҮҮЛЭГЧДИЙН СЭТГЭЛ ХАНАМЖИЙН СУДАЛГАА

Abstract

Энэхүү судалгаа нь “Грандмед” эмнэлгээр үйлчлүүлэгчдийн сэтгэл ханамжийн түвшинг тодорхойлж, санал зөвлөмж боловсруулсан. Эмнэлгийн байгууллага нь үйлчилгээ үзүүлж, эмчлүүлж буй үйлчлүүлэгч нар зөвхөн эмчилгээ оношилгоо хийлгэж байгаа бус мөн үйлчилгээ авч байгаа юм. Иймд эмнэлгийн зүгээс эмчилгээ оншилгоондоо анхаархаас гадна үйлчилгээний байгууллага гэдэг утгаараа үйлчлүүлэгчдийг сэтгэл ханамжтай байлгах чухал хүчин зүйлсүүд дээр анхаарах хэрэгтэй гэж үзэж байна. Мөн тус эмнэлгийн ямар хүчин зүйлс үйлчлүүлэгчдэд сэтгэл ханамж өгдөг нөгөөтэйгүүр ямар зүйл сэтгэлд нь хүрдгүй тухай судлах нь зөв гэж үзсэн болно.

Сүүлийн жилүүдэд эмнэлгийн үйлчилгээ цаг үеэ даган хурдацтай хөгжиж байгаа ч олон асуудал тулгардаг. Жишээлбэл улсын эмнэлгээр үйлчлүүлэгсэд сэтгэлд хүрсэн үйлчилгээ авч чаддагүйн улмаас хувийн эмнэлгийг сонгох нь олон байдаг. Иймд “Грандмед” эмнэлгийн хувьд үйлчлүүлэгчдийн сэтгэл ханамжийн судалгааг хийснээр цөөнгүй давуу талыг олж авах боломжтой болж байгаа юм.

Монгол улсад эмнэлгээр үйлчлүүлэгчдийн сэтгэл ханамжийн түвшинг тодорхойлох судалгаа төдийлөн их биш учраас энэхүү сэдвээр судлах нь цаашдаа эмнэлгийн үйлчилгээ үзүүлэгч байгууллага болон түүгээр үйлчлүүлж буй үйлчлүүлэгчдэд хэрэгтэй гэдэг нь олон улсад хийсэн судалгааны ажлуудаас харагдаж байна.