“ЭЭЛ” ГРАФИК ДИЗАЙНЫ СТУДИ БАЙГУУЛАХ ТӨСЛИЙН ТӨЛӨВЛӨЛТ, ХЭРЭГЖҮҮЛЭЛТ

Abstract

График дизайны зах зээл нь дэлхийн хэмжээнд жил ирэх тусам өсч байгаа бөгөөд график дизайнер, дижитал артистуудын ажлын байрны хэрэгцээ ихэсч байна. Монголын зах зээлд ч мөн адил график дизайны ойлголт бизнесийн байгууллагууд болон хэрэглэгчдийн аль алинд чухал байр суурь эзэлдэг болоод байна. Хэрэглэгчид энгийн нэг бүтээгдэхүүн хэрэглэхээс илүү загвар дизайн, урлаг шингэсэн өвөрмөц бүтээгдэхүүн хэрэглэхийг зорих хандлагатай болсон бөгөөд хэрэглэгчдийн энэхүү хэрэгцээг дагаад бүтээгдэхүүн, үйлчилгээ, брэндүүд ч мөн адил өөрсдийн дизайндаа илүү анхаарч байна. Тиймээс бусдаас ялгарахуйц график дизайн, дижитал артын үйлчилгээг нэг дор үзүүлэх нь эрэлт хэрэгцээтэй байна гэж үзсэн учир “Ээл” график дизайны студийг байгуулахыг зорин энэхүү дипломын төслийг бичлээ. Дипломын төсөл нь бусад төслүүдээс ялгарах онцлог нь хэрэгжүүлэлтийг зэрэг хийн гүйцэтгэх бөгөөд хэрэглэгчдийн тандалтын судалгаанд үндэслэн туршилтын бүтээгдэхүүнүүд гаргаж, зах зээлд шууд турших судалгаа хийсэн болно.