Хураангуй:
Энэхүү судалгааны ажлаар Нэгдсэн III эмнэлгийн үйл ажиллагааны зураглал гарган үйлчлүүлэгчдийн зан төлөвийг ажиглалт болон санал асуулгын аргыг ашиглан судална. Эрүүл мэндийн тухай хуулийн 17-р зүйл, эмнэлгийн тусламж үйлчилгээний тухай хуулийн 15-р зүйл заалтын хүрээнд “НЭГДСЭН 3-Р ЭМНЭЛЭГ ТӨРӨӨС ОЛГОГДСОН ТӨСВИЙН ХҮРЭЭНД харьцангуй БИЕ ДААСАН удирдлагын системтэй болж үйл ажиллагаагаа дотооддоо зохион байгуулдаг болж байгаа билээ. Нэгдсэн эмнэлэг нь бие даасан удирдлагын системтэй болсноор эмнэлгийн тусламж үйлчилгээнд гарах өөрчлөлтийг одоо байгаа нөхцөл байдалтай харьцуулан зөрүүг нь тодорхойлно. Үйлчлүүлэгчдийн зан төлөвийг тодорхойлохдоо үйлчилгээний зураглал боловсруулах service blueprint аргачлалыг ашиглан өвчтөн орохоос гарах хүртэлх үе шатуудыг тодорхойлон алдааны цэгүүдийг тусгаж байршуулсан. Ажиглалтын арга болон анкетын судалгааны аргыг хослуулан 2 төрлийн судалгааны аргаар тус эмнэлгээр үйлчлүүлж байгаа үйлчлүүлэгчдийн зан төлөвийг тодорхойлсон.
