Хураангуй:
Эдийн засгийг хөгжүүлэхэд олон улсын хамтын ажиллагаа, түүний дотор олон улсын, Засгийн газрын хийгээд хувийн хөрөнгө оруулалт чухал үүргийг гүйцэтгэдэг. Манай орны хувьд гадаадын хөрөнгө оруулалт нь бүхэлдээ хийгээд бүсчилсэн нутаг дэвсгэр, тодорхой аймаг, сум, компанийн хөгжил дэвшил, үйл ажиллагаанд чухал нөлөө үзүүлдэг чухал хүчин зүйл билээ.
Одоо практикт байгаа чухал асуудлуудын нэг болох хөрөнгө оруулалтын тодорхой эрх зүйн орчин, тогтвортой бодлогын хэрэгцээ болон хөрөнгө оруулалтын орчны аюулгүй байх баталгааг бий болох талаар гадаадын хөрөнгө оруулалтын 70 гаруй хувийг бүрдүүлдэг уул уурхайн салбарын жишээн дээр хэрхэн хамгаалж болох талаар судалсан юм.
Монгол Улсын өнөөгийн байдлаарх уул уурхайн салбар дахь гадаадын хөрөнгө оруулалтын хамгаалалт, цаашид сайжруулах хэрэгцээ шаардлагатай эсэх, Монгол Улсын зүгээс ямар арга хэмжээ авах хэрэгтэй талаар бүх талаас судалсан болно.
