Хураангуй:
Энэхүү нийгмийн маркетингийн төлөвлөгөө нь ерөнхий боловсролын сургуулийн хүүхэд багачуудын ус уух дадлыг нэмэгдүүлэх бүтээлч маркетингийн /Creative Marketing/ санаан дээр тулгуурлан хөгжсөн бөгөөд миний бие уг санаагаар 2019 онд СЭЗИС, “Жем Интернейшнл” ХХК хамтран зохион байгуулсан “Бүтээлч Оюутан” тэтгэлэгт тэмцээнд өрсөлдөн тэргүүн байранд шалгарч байсан билээ. Улмаар энэхүү санаа нь тус компанийн 2020 оны бизнес төлөвлөгөөний хэрэгжүүлэх үйл ажиллагааны нэг хэсэг болж батлагдаад байна. Иймд энэхүү төслөө академик агуулгын хүрээнд хөгжүүлж дипломын төсөл болгон ажиллалаа. Тодруулбал ЕБС-ийн өдрөөр суралцагч хүүхдүүдийн цэвэр ус уух дадлын талаарх одоогийн нөхцөл байдалд судалгаа хийж, асуудлыг шийдвэрлэх бүтээлч стратегийг тодорхойлов.
Энэхүү дипломын төслөөр компанийн нийгмийн хариуцлагыг хангах замаар үр ашигт ажиллагааг нэмэгдүүлж болох маркетингийн төлөвлөгөөг Монголын туршлагатай тэргүүлэгч группүүдийн нэг болох “Жем-Интернейшнл” ХХК-ийн ус, ундааны салбарын “Хужирт” брэндийн жишээн дээр хийж гүйцэтгэсэн болно.
