ДЭ ВЭЙ ЭНТЕРТАЙНМЕНТ ХХК-Г БАЙГУУЛАХ БИЗНЕС ТӨЛӨВЛӨГӨӨ

Abstract

Энэхүү дипломын ажлын хүрээнд авьяаслаг залуу уран бүтээлчдийг нэгтгэн системтэйгээр үйл ажиллагаагаа явуулах бизнес төлөвлөгөө боловсруулахыг зорилоо. Монгол улсын хэмжээнд маш олон мэргэжлийн болоод мэргэжлийн бус уран бүтээлчид зах зээлд шинээр төрөн гарч ирж байна. Иймд тэдгээрийг нэгтгэн системтэй, зохион байгуулалттай, тогтсон дэг журамтайгаар үйл ажиллагаа явуулах нь бидний гол зорилго юм. Бид энэхүү салбарт тодорхой хэмжээнд өөрчлөлт хийж бизнесийг урлагтай хослуулан хөгжүүлэхийг зорих болно. Энтертайнментийн үйл ажиллагаанд уран бүтээлчдийг хэрхэн таниулах маркетинг хийх, бүтээгдэхүүн болох уран бүтээлийг хэрхэн зарж борлуулах түүн дээр менежмент хийх мөн хүний нөөцөө хэрхэн тасралтгүй хөгжүүлж суралцах боломжоор хангах зэрэг олон үйл ажиллагааг зохион байгуулах шаардлагатай. Тус салбарыг хөгжүүлснээрээ өөрийн улсын соёлыг бусад улс оронд таниулах, сурталчлах хийгээд бусад бизнесийн үйл ажиллагаагаа дэмжих боломжтой юм. Үүний тулд бид энтертайнмент байгууллага үүсгэн байгуулах бизнес төлөвлөгөө боловсруулж байгаа бөгөөд үүнд орчны шинжилгээ, стратеги, маркетинг, хүний нөөц, санхүү төлөвлөлт гэх мэт олон судалгаа шинжилгээ хийн үр дүнг бий болгох юм.