Гарааны бизнесийн экосистемд хамтын оффисын нөлөөллийг тодорхойлох нь

Abstract

Сүүлийн жилүүдэд гарааны бизнес асар хурдан хөгжиж ирээдүйд

өндөр ашиг, орлого үзүүлж өөрийн улсдаа асар олон боломжийг олгож байгааг зарим

улс орон гарааны бизнесийн экосистемийг бүрдүүлэн аль хэдийн эдийн засгийн шинчлэл

хийж үр дүнгээ хүртсээр байна. 2014 онд АНУ-ын Up Global /Tech stars/ болон Google

for Entrepreneurs байгууллагуудын хамтарсан судалгаагаар ур чадвар, нягтрал /нэгдмэл

хамтын ажиллагаа/, соёл, хөрөнгө, хууль, эрх зүй гэх 5 гол бүрдэл бий болсоноор тухайн

улс оронд экосистем амжилттай бүрддэг болохыг тогтоожээ. Эдгээр 5 түлхүүр

бүрдэлийг нэг дор бүрдүүлснээр тухайн улсын экосистемийн амжилтын эх үүсвэр

тавигдаж, энтрепренер, гарааны бизнес эрхлэгчдэд илүү таатай орчин үүсэх юм.

Манай улсын экосистемд бүрэлдэн тогтсон ч алдаа мадаг их байдаг. Гарааны бизнесийн

хөгжилд тодорхой үүрэг гүйцэтгэдэг янз бүрийн бүтэц бүхий байгууллагууд

экосистемийг бүрдүүлдэг. Эдгээр нь инкубаторууд, акселератор, хамтын оффис гэх

мэт. Тэгвэл хамтын оффис нь гарааны бизнесийн хөгжилд соёл, нягтрал, ур чадвар гэх

хүчин зүйлсийг бий болгож байдаг. Иймээс уг судалгааны ажилаар хамтын оффис нь

ямар хэлбэрээр соёл, ур чадвар, нягтралыг бий болгож байгаа талаар судалсан.

Нягтралын хувьд өөр өөр мэргэжлийн хүмүүсийг нэг дор байлгаснаар нэгнээсээ

суралцах, хамтрах, хөрөнгө оруулагчаа олох боломжийг бий болгодог. Үүнийг

бататгахын тулд хамтын оффист байдаг гарааны бизнес эрхлэгчдээс судалгаа авсан

ба эдгээр хүчин зүйлс нь тухайн энтрепренерүүдийн хувьд эерэг нөлөөллийг болгодог

гэдэг нь батлагдсан. Судалгаанд тулгуурлан хамтын оффист /3 хүчин зүйл тус бүрд/

зориулан санал зөвлөмжийг боловсруулсан.