Хураангуй:
Макроэкономиксийн түүхэнд шинэ хуудас нээн гарч ирсэн онол
аргазүйн нэгэн төрөл бол динамик стохастик ерөнхий тэнцвэрийн загвар юм. Энэхүү
загварыг анх 1982 онд Кидланд, Прескот нар боловсруулсан бөгөөд ингэхдээ
калибрацийн аргазүйг мөн эдийн засгийн шинжлэх ухаанд танилцуулсан билээ. Үүнээс
хойш ДСЕТ-ийн загвар ББМО-ын болон Шинэ Кейнсийн онолын ялгаатай урсгалаар
хөгжсөөр ирсэн байна. Харин энэхүү судалгааны ажилдаа ББМ-ийн ДСЕТ-ийн загварын
энгийн хувилбарыг сонгон авч, загварыг нарийвчлан судалж, ойлгохоос гадна Монгол
Улсын нөхцөл байдалд тохирсон параметруудыг ашиглан калибрацийн шинжилгээ хийх
ба бизнесийн мөчлөгийн гол шалтгаан болох технологийн шокийн нөлөөнд макро эдийн
засгийн үзүүлэлтүүд хэрхэн хариу үйлдэл үзүүлж буйг харж болох сургалт болон
практик хэрэглээнд зориулагдсан программын кодыг бэлтгэн үр дүнг тайлбарлах гэсэн
зорилгын хүрээнд дараах ажлуудыг хийж гүйцэтгэсэн болно.
