Хураангуй:
Энэхүү судалгааны ажлаар Монгол улсад СТОУС 16 “Түрээс”-н стандартыг хэрэгжүүлэхэд тулгамдаж буй асуудлууд, саад, бэрхшээл юу байгааг судалж тэдгээрийг хэрхэн шийдвэрлэж амжилттай нэвтрүүлэх талаар судалсан болно. Судалгааны таамаглалаар нягтлан бодогчдын мэргэжлийн ур чадвар болон хууль эрхзүйн орчноос шалтгаалж саад бий болж байгаа гэж үзлээ. Судалгааны үр дүнд дээр дурьдсан хоёр нөхцөлөөс гадна олон нөхцөл байдлууд нийлээд асуудал болж байгааг гаргаж ирлээ. Судалгааг хийхдээ асуулгын аргаар интернет орчинд 62.5 мянган нягтлан бодогчдоос санамсаргүй байдлаар 55 хүнээс авсан болно.
Судалгааны ажлын агуулга 2 хэсэгт хуваагдаж байгаа бөгөөд тэдгээрт НББОУС 17-г СТОУС 16 болгон өөрчлөх болсон онолын хэсэг болон СТОУС 16-г хэрэгжүүлэхэд гарч буй саад түүнийг шийдвэрлэх арга зам гэсэн хэсгээс бүрдэнэ. СТОУС 16 бий болох болсон гол шалтгаан бол түрээслэгчид балансаас гадуур их хэмжээний хөрөнгө бүртгэж байгаа нь санхүүгийн тайлан хэрэглэгчдийг төөрөгдүүлж, үнэн зөв мэдээллээр хангаж чадахгүй байна гэж үзсэнтэй холбоотой. Мөн СТОУС 16 гарч ирсэнээр илүү ойлгомжтой болсон гэх мэт давуу талууд гарч ирсэн.
СТОУС 16-г хэрэгжүүлэхэд тулгамдаж буй асуудлаар хууль эрхзүйн орчны (Иргэний хууль, Лизингийн хууль гэх мэт) СТОУС-тай зөрчилдөх асуудал, татварын асуудал, мэргэжилтний ур чадварын асуудал, үнэн зөв мэдээлэл олж авах боломж зэрэг олон саад байгааг харлаа.
