Хураангуй:
Манай улсын хувьд дотоодын аудитын компаниудын санхүүгийн мэдээлэлд хэрэглэгчид итгэл үнэмшилгүй ханддаг, аудитын компаниуд ажилчдынхаа мэдлэг чадварт бага анхаарал хандуулдаг, үйлчлүүлэгч нартаа мэргэжлийн зөвөлгөө, зөвлөмж өгөхдөө дутмаг, ач холбогдол бага өгдөг зэрэг асуудлууд хөндөгдөж байна. Үүнээс болж өөрийн дотоод аудитын зах зээлийг гадаадын томоохон компаниудад алдах, зах зээл жижигтэй манай улсад өрсөлдөөнийг багасгах эрсдэлтэй тулгарч байгаа юм.
Өнөөдрийн байдлаар дотоодын аудитын компаниуд үйл ажиллагаагаа хаалттай хэлбэрээр явуулж байгаагаас ямар түвшинд байгааг тодорхойлоход бэрхшээлтэй байна. Дэлхийн эдийн засгийн интегралчлал өсөн нэмэгдэж байгаа өнөө үед аудитын компани төдийгүй бүх салбар аж ахуйн нэгж, пүүс корпорациуд эрсдлээ тодорхойлж үнэлэхэд рэйтингийн систем чухал болоод байна.
Иймээс гадаад мэдээлэл хэрэглэгчдийн итгэх зэргийг нэмэгдүүлэх, аудитын компаниудын өрсөлдөх чадварыг дээшлүүлэхийн тулд өөрийн орны онцлогт тохирох аргачлалыг судлан шинжлэх нэн шаардлагатай байна.