Хураангуй:
Манай улсын арилжааны банкууд нийт 18 салбарт зээл олгодог ба гол 5 салбарт нийт олгосон зээлийн 53 орчим хувь нь төвлөрсөн байдаг. Мөн зарим тохиолдолд эдгээр салбарын зээл чанаргүйдэж тухайн банкны ашигт ажиллагаанд сөргөөр нөлөөлдөг. Уурхай, олборлолтын салбарын хувьд 5 гол салбарын нэг билээ. Сүүлийн жилүүдийн байдлаар чанаргүй зээлийн хувь хэмжээ өссөн үзүүлэлттэй байгаа бөгөөд нийт чанаргүй зээлийн дундаж хувь хэмжээнээс 2006 оноос хойших бүх хугацаанд дээгүүр байсан үзүүлэлттэй юм. Энэхүү судалгааны ажлын хүрээнд уул уурхай, олборлолтын салбарын зээлийн чанаргүйдлийн шалтгааныг макро орчноос ямар хүчин зүйлс нөлөөлдөг талаар судалгаа хийсэн. Макро орчноос нөлөөлөх хүчин зүйлсээс дотоодын нийт бүтээгдэхүүн, юанийн ханш болон бодлогын хүү өссөнөөр уг салбарын чанаргүй зээлийн хэмжээ өсдөг бол нийт экспортын хэмжээ, мөнгөний нийлүүлэлт, ам долларын хаш болон инфляци өссөн тохиолдолд чанаргүй зээлийн хэмжээг буууруулдаг байна.
