Хураангуй:
Монгол Улсад арилжааны банкны салбар санхүүгийн салбарын 95 хувийг дангаараа эзэлж байна. Хурдацтай хөгжиж буй орчин үед хэрэглэгчдэд бүтээгдэхүүн, үйлчилгээгээ зохицуулахын тулд банкны салбар шинээр гарч ирж буй технологиудад хөрөнгө оруулах нь улам бүр нэмэгдэж, үйл явцыг илүү хялбаршуулах чиглэлд төвлөрөх болсон. Эдийн засгийн байдлыг тодорхойлох толь болсон банкны өрсөлдөх чадварыг дээшлүүлэх, чанартай үйлчилгээг хүргэх нь хэзээд чухал асуудал байсаар байдаг. Арилжааны банкны хувьд харилцагч нь үйлчилгээний чанарыг хэмжих цор ганц шүүгч болох юм.
Энэхүү судалгааны ажлын зорилго нь банкны салбараар үйлчлүүлж буй хэрэглэгч, түүний сэтгэл ханамжийг үнэлэх, түүгээр дамжуулан банк аль чиглэлд хөрөнгөө зарцуулах нь хэрэглэгч болон нийлүүлэгч 2 талд ирээдүйн үр ашигт байдлыг өсгөх боломжийг олгох вэ гэдгийг тодорхойлоход оршино.
Арилжааны банкуудын үйлчилгээний чанарыг үнэлэхдээ SERVQUAL загварыг сонгон, Монголын арилжааны банкуудаар үйлчиллүүлж буй 265 харилцагчдаас асуулгын аргаар судалгааг авч, түүндээ дүн шинжилгээг хийж, үр дүнг харьцуулан дүгнэсэн
