Нийгмийн маркетингийн кампанит ажлын үр дүнгийн судалгаа

Abstract

Манай улсын хувьд нийгмийн маркетинг төдийлөн өргөн дэлгэрээгүй шинэ зүйл бөгөөд сүүлийн жилүүдэд төрийн бус байгууллага болон төрийн байгууллагын санаачлага, дэмжлэгээр хэд хэдэн амжилттай нийгэмд нөлөөлж үр дүнтэй хэрэгжсэн кампанит ажлуудыг нэрлэж болох юм. Түүний нэгэн тод жишээ болох Цагдаагийн ерөнхий газар болон Жэй Си Ай Монгол төрийн бус байгууллагын хамтран хэрэгжүүлсэн „„Нэг Хором‟‟ нийгмийн кампанит ажил билээ. Дээрх нийгмийн маркетингийн кампанит ажил нь Хүний эрүүл мэндийн халдашгүй байдлын эсрэг гэмт хэрэг, зөрчлийн шалтгаан нөхцөлийг арилгах, хор уршгийг таниулах, урьдчилан сэргийлэх ажилд иргэд, олон нийтийн оролцоо, дэмжлэгийг нэмэгдүүлэх зорилгоор

“Нэг хором” аяныг 2019 оны 03 дугаар сард Цагдаагийн ерөнхий газрын Урьдчилан сэргийлэх хэлтэс нь Хэрэг бүртгэх алба, нутаг дэвсгэр хариуцсан цагдаагийн байгууллага, төрийн болон төрийн бус байгууллага, иргэдийн дэмжлэгтэй зохион байгуулсан. Нөгөө талаас нийгмийн маркетингийн кампанит ажил тодорхой асуудал, хэрэгцээ шаардлага нийгмийн тулгамдсан байдал зэрэг нөлөөлөх хүчин зүйлийн улмаас кампанит ажлыг төрийн болон, төрийн бус байгууллага хийх хэрэгжүүлэх гол шалтгаан болж буй юм.

Судалгаанд “Нэг хором” нийгмийн маркетингийн кампанит ажлын хүрээнд явуулсан “UB palace”-ийн их танхимд Улаанбаатар хотын их, дээд сургуулийн төлөөлөл болох дөрвөн сургуулийн оюутнуудын төлөөлөлд хэлэлцүүлэг явуулсан бөгөөд дээрх хэлэлцүүлэгт оролцсон оюутнуудаас “Нэг хором” аяны мэдлэг ойлголтонд гарсан өөрчлөлт хариу үйлдэл мөн кампанит ажлын танигдсан байдал зэрэгт 317 оюутнаас түүвэр судалгаа авна дүн шинжилгээ хийсэн.