Хураангуй:
Энэхүү судалгааны ажлаар Монгол улсын өрхийн төсөв хөтлөлтийн өнөөгийн байдал болон хэтийн хандлагыг тодорхойлж, өрхийн төсвийн хөтлөлтөнд нөлөөлж байгаа хүчин зүйлийг тодорхойлж олон улсын туршлага судалж өрхийн төсөв хөтлөлтийг сайжруулах зөвлөмж боловсруулах зорилго тавьсан болно. Тандал, ярилцлага, туршилтын судалгаанаас Монгол улсын иргэд санхүүгийн мэдлэг, мэдээлэл болон боловсрол муутай, өрхийн төсөв хөтлөж үзээгүй гэх мэт хүчин зүйлээс шалтгаалан санхүүгийн эрсдэлтэй, өөрт хохиролтой муу шийдвэр гаргаж байгаа таамаглал дэвшүүлж байна. Мөн олон улсад хэрэгждэг өрхийн төсвөө хэрхэн хөтөлдөг, ямар үр дүнд хүрдэг аргуудаас судлан үзсэн болно. Судалгааны үр дүнд Монгол улсын иргэдэд өрхийн төсөв хөтлөх, хөтлөж хэвших шаардлагатай бөгөөд өрхийн зардлаа зөв тодорхой төлөвлөхөд хувь хүний санхүүгийн суурь мэдлэгийг нэмэлдүүлэх үйл ажиллагааг 10 жилийн ахлан ангиас нь эхэлж сургалтын програмд нь оруулж багаас нь мэдлэг мэдээлэл хүргэх шаардлагатай. 10 жилийн ахлан ангийн хүүхдүүдийн хичээлийн загварт дараах төрлүүдийг тусгаж болно.
Хувь хүний төсөв гараж сургах
Санхүүгийн бүтээгдэхүүний талаар мэдээлэл бэлтгэн танилцуулах
Өөрийн төсвөө зөв хөтлөх, захиран зарцуулах талаар прагтик хичээл орох
Эдгээр хичээлийг ахлан ангийн хүүхдүүдийн сургалтын програмд оруулж өгсөнөөр тухайн хүүхэд ямар ч төрлийн мэрэгжил сонгосон гэсэн өөрийн орлого, зарлагаа хөтөлж төлөвлөж мэддэг чадвартай хүн болж төлөвших юм. Хувь хүний өөрийнхөн санхүүгийн суурь боловсрол дээшлээд зогсохгүй өрх гэрийнхээ санхүүгийн төсөв, төлөвлөгөөг гаргаж сурах нь энэхүү хичээлийн үр дүнтэй байх боломжтой гэж үзэж байна.
