АРИЛЖААНЫ БАНКНЫ ХАРИЛЦАГЧДЫН ҮНЭНЧ БАЙДАЛД НӨЛӨӨЛӨХ ХҮЧИН ЗҮЙЛИЙН СУДАЛГАА (Хаан банкны жишээн дээр)

Abstract

Арилжааны банкны харилцагчид үйлчлүүлж буй банкны үйлчилгээ болон бүтээгдэхүүнд хэрхэн сэтгэл ханамжтай байгааг үнэлгээ өгч тодорхойлж, судалгаагааны үр дүнд тулгарч буй хүндрэл бэрхшээлтэй асуудлуудын хоорондын хамаарлыг судлан тогтоож, тэдгээрийг хэрхэн сайжруулах арга замыг харилцагчдын сонирхол, хэрэгцээнд үндэслэн тодорхойлно. Үр дүнд нь үнэнч харилцагчдыг бий болгож чадна хэмээн үзэж байна.

Арилжааны банкны харилцагчдын үнэнч байдалд юу нөлөөлдөг талаар судлах үндэслэл нь ямар ч байгууллагын хувьд харилцагч нь үйлчлүүлж буй байгууллагаа солих нь хамгийн их эрсдэл, аюултай ба харилцагчдыг тогтоон барихын тулд дийлэнх банк харилцагчдыг гэрээ хэлэлцээгээр тогтоон барих зарчмаар ажилладаг. Иймд харилцагч өөрийн үйлчлүүлж буй арилжааны банкны ямар үйлчилгээ, бүтээгдэхүүнд үнэнч байгааг судлахаар шийдсэн болно. 2019 оны 2-р улирлын байдлаар банкны салбарт нийт 13 арилжааны банк үйл ажиллагаа явуулж байна. Монголбанкны тодорхойлсноор банкны системд нөлөө бүхий банкнуудад Хаан банк, ХХБ, Голомт банк, Хасбанк, Төрийн банк, Улаанбаатар хотын банк гэсэн 6 банк багтаж байна. Эдгээр банкууд нь системийн 90- ээс дээш хувийг бүрдүүлж буй юм. Үйл ажиллагаа явуулж буй арилжааны банкнууд өөрсдийн харилцагчийн тоогоороо давуу болоод сул талыг харуулах боломжтой бөгөөд хамгийн чухал нь нийт харилцагчийнхаа тоог нэмэхээс гадна одоо харилцаж буй харилцагчдыг хадгалж үлдэхийг зорин ажиллах юм. Ингэснээр банкны актив өсч цаашлаад тухайн банкны байр суурь батжин, тэлэх боломжтой юм.