Хураангуй:
Уг судалгааны ажлаар дотоод аудит ба компанийн засаглалын онол арга зүй, өнөөгийн нөхцөл байдал ба цаашдын чиг хандлагыг судалсны үндсэн дээр групп компаниудын дотоод аудитаар дамжуулан компанийн засаглалыг сайжруулах талаар санал, зөвлөмж боловсруулах зорилго тавьсан болно. Компанийн үйл ажиллагаа сайн байх нэг чухал нөхцөл бол компанийн засаглал сайн байх явдал юм. Компанийн засаглалын асуудлыг групп болон гадаадын хөрөнгө оруулалттай компаниуд, хувьцаат компаниудын хувьд их анхаарч байгаа боловч зарим компанийн дотоод аудит нь компанийн засаглалд ямар үүрэг оролцоотой оролцож байгаа нь төдийлөн тодорхойгүй байгаа тал практикт ажиглагдсаар байна. Иймд судалгааны ажлаар групп компаниудын дотоод аудит ба засаглалын өнөөгийн нөхцөл байдлыг судалж, тулгамдаж буй асуудлуудыг тодорхойлон дотоод аудитаар дамжуулан засаглалыг сайжруулах талаар санал, зөвлөмж боловсруулсан болно.
