Хураангуй:
Энэхүү судалгааны ажил нь Улаанбаатар хотын худалдааны салбарт үйл ажиллагаа эрхлэгч хүнсний сүлжээ дэлгүүрүүдийн өрсөлдөх чадварыг нэмэгдүүлэх арга замыг боловсруулах зорилготой. Манай улс өрсөлдөөнт зах зээлийн харилцаанд шилжин ороод ойролцоогоор 3 арван жилийг туулах зуур худалдаа үйлчилгээний салбарт олон шинэчлэл өөрчлөлт гарсанаар уг салбар улсын хөгжил цэцэглэлтийн нүүр царайг илэрхийлж байна. Сүүлийн гурван жилийн дотор олон улсын стандартад нийцсэн БНСУ - ын дэлгүүрийг Скай Трейдинг ХХК франчайз байдлаар худалдааны салбарт нэвтрүүлсэн нь уг салбарын өрсөлдөөнийг ширүүсгэсэн үйл явдал боллоо. Үүгээр зогсохгүй ОХУ -н Абсолют дэлгүүр мөн хэд хэдэн салбарыг нээгээд байгаа нь уг зах зээлийн хуучин ноёрхогчдыг үйл ажиллагаагаа эргэн харж, цаашлаад хөгжлийн шинэ зүгт чиглэхийг шахамдуулах болсон. Энэ шалтгааны улмаас байгууллагын дээд шатны менежерүүдүүдэд байгууллагаа бүхэлд нь шинжлэх шаардлага тулгарч байгаа.
