Хураангуй:
Өнөө үед хөрөнгө оруулалтын гол суваг болох хөрөнгийн зах зээлийн хөгжлийн асуудал зүй ёсоор тавигдаж байна. Компани анх удаа олон нийтэд үнэт цаасаа санал болгосноор бүтэц зохион байгуулалтаа өөрчлөн, нээлттэй компани болж илүү олон бизнесийн боломж бий болж байдаг учраас энэ нь компани төдийгүй хөрөнгийн зах зээлийн хувьд өндөр ач холбогдолтой үйл ажиллагаа байдаг. Энэхүү үйл ажиллагаа Монгол улсад сүүлийн жилүүдэд идэвхтэй нэмэгдэж байгаа бөгөөд хувьцаагаа анх удаа санал болгож буй компаниуд, тэр дундаа технологийн салбарын компаниудад дэмжлэг болох үндсэн зорилготойгоор энэхүү судалгааны ажлыг гүйцэтгэсэн билээ. Энэхүү судалгааны ажлыг хийсний үндсэн дээр технологийн салбарын компанийн анхдагч зах зээлд нэвтрэх оновчтой аргачлалыг тодорхойлох болно.
