Хураангуй:
2008 оны Дэлхийн санхүүгийн хямрал нь зохицуулалт болон хяналт шалгалтын дутмаг байдлаас үүдэн гарсан гэж тодорхойлдог. Үүнээс үүдэн уламжлалт зохицуулалт болон хяналт шалгалтын үйл ажиллагааг дижитал хэлбэрт шилжүүлснээр хүний буруутай үйлдлээс үүдэн гарах эрсдэлийг бууруулах, цаг хугацаа болон зардлын хэмнэлтийг бий болгоход чиглэсэн технологийг хөгжүүлсэн юм. Регтек технологи нь энэхүү асуудлын оновчтой шийдлүүдийн нэг болсон бөгөөд энэхүү технологийг хөгжүүлэгч, хөрөнгө оруулагч байгууллагууд өдрөөс өдөрт нэмэгдэж байна. Регтек технологийг олон улсад томоохон зохицуулагч байгууллагууд үйл ажиллагаандаа ашигладаг бөгөөд тухайн улсын санхүүгийн зах зээлийн үр ашгийг нэмэгдүүлж, нийцлийн зардлыг бууруулж, зохицуулалт хяналтын үйл ажиллагааг хялбаршуулж байна. Монгол улсад Регтек технологид суурилсан бизнесийн зээлийн мэдээллийн санг бүрдүүлснээр банк талаас банкуудын хоорондын өгөгдлийн холбоосыг үүсгэж, өгөгдлийн чанарыг сайжруулна. Аж ахуй нэгж байгууллага талаас хурдан шуурхай хөрөнгө оруулалт татах боломжийг нэмэгдүүлнэ.
