Хураангуй:
Үр ашигт зах зээлийн таамаглалын онол нь хөрөнгийн зах зээл дэх хувьцааны ирээдүйн үнийн таамаглалыг биелэх эсэхийг шинжлэн тогтоон, дүгнэлт өгөх арга юм. Үр ашигт зах зээлийн гурван хэлбэр байх бөгөөд хувьцааны ханшид нөлөөлөх хүчин зүйлсээр нь уг хэлбэрүүдийг тодорхойлж болох юм. Энэхүү судалгааны ажил нь Монголын Хөрөнгийн Биржийн үр ашигт байдлыг шинжлэхдээ гол индикатор болох ТОП-20 индекс, мөн MSE A болон MSE B индексүүдийг ашиглах юм. Эдгээрээс гадна МХБ-д бүртгэлтэй бөгөөд зах зээлийн үнэлгээ хамгийн өндөр 10 компанийг сонгон үр ашигт зах зээлийн таамаглалыг дэвшүүлэн, дүгнэсэн болно.
