Хураангуй:
Хүүхдийн тархины хөгжилд 5 хүртэлх нас чухал үүрэгтэй байдаг. Иймд 5 хүртэлх насны хүүхдүүдэд зориулсан үлгэр, комик, буддаг ном зэрэг олон бүтээлүүдийг улс орнуудад ихээр бүтээж, хүүхдүүдийн хөгжил, төлөвшилд чухал үүрэгтэй гэж үздэг. Монгол улсын хувьд сүүлийн жилүүдэд үндэсний хүүхдэд зориулсан бүтээлүүдийг үйлдвэрлэх оролдлогууд нэмэгдэж байгаа ч цөөн тоотой, чанарын хувьд олон улсын жишигт хүрч үүргээ гүйцэтгэж буй түвшин тааруу байгаа тул бэнчмаркинг судалгаа хийж цаашид гарах бүтээлүүдийн чанарыг сайжруулах, хөгжүүлэхэд анхаарах зүйлсийн талаар санал зөвлөмжүүдийг гаргаж энэ салбарт хийгдэх дэвшилтэд тодорхой хэмжээгээр нэмэр болно гэж үзэж байна.
