Хураангуй:
Энэхүү дипломын ажлын хүрээнд “Номын дэлгүүрээр үйлчлүүлэгчдийн худалдан авах зан төлөвийн судалгаа” хийсэн бөгөөд Улаанбаатар хотын номын дэлгүүрээр үйлчлүүлэгчдийн зан төлөвийг судлах зорилготой. Тус судалгааны ажлын хувьд хийж гүйцэтгэсэн ажлыг судлагдсан байдлын судалгаа болон онолын судалгаа хийх, судалгааны арга аргачлалаа тодорхойлон судалгааны өгөгдөл цуглуулах, цугларсан өгөгдөл дээр шинжилгээ хийн түүн дээр нэгдсэн дүгнэлт хийн санал зөвлөмж боловсруулах гэсэн үндсэн 4 хэсэгт хувааж болох юм. Судалгаанд нийт 250 хүн оролцсон бөгөөд шаардлага хангахгүй анкетыг хасаж тооцон 224 оролцогч дээр шинжилгээ хийлээ. Судалгааны үр дүнгээс харвал нийт судалгаанд оролцогчдын дийлэнх нь ихэвчлэн “Интерном” номын сүлжээ дэлгүүрээр үйлчлүүлдэг Улаанбаатар хотын иргэд сард дунджаар нэг ном худалдан авдаг гэсэн дүгнэлт гарсан.
