Хураангуй:
Хөрөнгө оруулагчид өгөөж ихтэй, эрсдэл бага хөрөнгө оруулалтыг эрэлхийлдэг бол бизнесийн байгууллагууд урт хугацаатай, зардал багатай хөрөнгө оруулалтын эх үүсвэрийг хайж байдаг. Гэсэн ч бүгд хүссэн үр дүндээ хүрч чаддаггүй. Энэ нь хөрөнгө оруулалтаа сайтар судлаж, зөв үнэлдэггүйтэй холбоотой. Хөрөнгө оруулалтыг үнэлж, оновчтой сонголт хийхэд эрдэмтэн судлаачдын санал болгосон онол, загвар, үзэл баримтлал тусладаг.
Тус дипломын ажилаар капилталын өгөөж тооцоолох ROE харьцаа хөрөнгийн үнэлгээний загвар болох САРМ (Sharpe, 1964) болон түүний өргөтгөл болох олон хүчин зүйлийн загварыг (Fama &French, 1993), хөрвөх чадварын хүчин зүйлээр өргөтгөсөн загваруудыг судлан Монголын хөрөнгийн биржид бүртгэлтэй 14 компанийг сонгон авч тэдгээр компаний шаардлагатай өгөөжийг тодорхойлох оновчтой загварыг хөрөнгө оруулагчдад санал болгох юм.
Үр дүнд нь ихэнх компаний хувьд ROE харьцаа нь шаардлагатай өгөөжийг тодорхойлж болохуйц суурь байсан ба бусад загварын хувьд зарим компани дээр зөв ажилласан ч нийт системийн хувьд ажиллаагүй. Бүх загваруудаар үнэлэж үзсэний дараа хамгийн их өгөөжийг тодорхойлсон утгыг сонгож компани бүрээс шаардах өгөөжийг тодорхойлсон.
