Хураангуй:
Дотоод хяналт нь байгууллагын зорилго, зорилтдоо хүрэх цаг хугацааг
түргэсгэж, үүсэх эрсдэлийг бууруулан байгууллагын үйл ажиллагаа бодитой, түргэн
шуурхай явагдахад явагдах нөхцөлийг бүрдүүлдэг бөгөөд удирдлагыг байнгын бодит
мэдээллээр хангаж байдаг.
Энэхүү судалгааны ажлаар дотоод хяналт, дотоод хяналтын төрөл тэдгээрийн
онол арга зүйг судалсны үр дүнд “Зорчигч тээврийн нэгтгэл” ОНӨААТҮГ-ын дотоод
хяналтын өнөөгийн байдлыг тодорхойлох мөн тулгамдаж буй асуудлыг тодруулах
зорилгоор тус байгууллагын нийт ажилчдаас судалгаа аван түүнийгээ боловсруулах дүн
шинжилгээ хийсэн болно. Үүний үр дүнд “Зорчигч тээврийн нэгтгэл” ОНӨААТҮГ-ын
дотоод хяналтын тогтолцоонд шинэчлэлт шаардлагатай бөгөөд дотоод хяналтаа
уламжлалт арга хандлагаар бус эрсдэлд суурилсан аргаа үнэлэн цаашид тулгарч болох
эрсдэлүүдийг хэлтэс тус бүрээр үнэлэн сайжруулах шаардлагатай гэж дүгнэв.
Дотоод хяналтын тогтолцоог уламжлалт арга хандлагаар явуулах нь ирээдүйд
учирч болох эрсдэлийг тодорхойлох боломжгүй байдаг төдийгүй удирдлагын
эрсдэлийг нэмэгдүүлэх магадлалтай тул үүнийг эрсдэлд суурилсан аргаар солих санал
дэвшүүлэв.
