Хураангуй:
Төвлөрсөн төлөвлөгөөт эдийн засгаас зах зээлийн эдийн засаг руу
шилжин орсны дараахан гадаадын хөрөнгө оруулалтыг идэвхтэй татахын тулд манай
улс 1993 онд Гадаадын хөрөнгө оруулалтын тухай хуулийг баталсан. Тус хуулиар
гадаадын хөрөнгө оруулагчийн эрх зүйн баталгааг олгосон ба хөрөнгө оруулагчийн үйл
ажиллагааг тогтвортой явуулах зорилгоор тогтвортой байдлын гэрээг байгуулдаг
байжээ. Энэхүү гэрээ нь хөрөнгө хүлээн авагч улс дур мэдэн хууль эрх зүйн орчныг
өөрчлөхөөс хамгаалсан зохицуулалттай байсан ба 2013 оны Хөрөнгө оруулалтын тухай
хууль батлагдсанаар тогтвортой байдлын гэрээ нь тогтворжуулах гэрчилгээ болон
хөрөнгө оруулалтын гэрээ болон өөрчлөгдсөн юм. Тогтворжуулах гэрчилгээгээр зөвхөн
хуульд заасан татварын төрлийг гэрчилгээний хугацааны туршид тогтворжуулах ба
хөрөнгө оруулалтын гэрээгээр татварын орчныг тогтворжуулдгаараа ялгаатай юм.
Энэ ч утгаараа хөрөнгө оруулалтын гэрээ нь 500тэрбум төгрөгөөс дээш хөрөнгө
оруулалтын төсөлтэй гэрээ байгуулдаг нь татварын орчин буюу тогтворжуулах
гэрчилгээнд заасан 4н төрлийн татвараас илүү их хэмжээний татваруудыг хамруулж
байгаа юм.
