Хураангуй:
Судалгаа хийх явцад банкны хадгаламж, зээлийн хүүний зөрүү болон хүү тогтоход нөлөөлөгч хүчин зүйлүүдийг хамтад нь авч үзэн хийсэн судалгаа байхгүй бөгөөд монголд хийсэн судалгааны ихэнх нь зээлийн хүүн дээр хэт төвлөрч, анхаарал хандуулсан судалгаанууд байна.
Англи хэл дээрх гадаад улс орнуудад хийгдсэн судалгааны ажлууд, онолын ном сурах бичиг нь судалгааны чухал эх сурвалж болсон бөгөөд тэдгээрийн судлагдахуун, ашигласан арга техникийг харьцуулж үзсэний үндсэн дээр өөрийн судалгааны ажилд тохирох загварыг сонгосон болно.
Онолын судалгаа болон практик кейс судалгаанаас харахад ихэнх судалгааны үндэс суурь нь Ho and Saunders (1981), Saunders and Schumacher (2000) нарын зах зээл хямралтай үед тухайн банкуудын үйл хөдлөл, хүүний зөрүүг судлах загваруудыг ашиглах хандлага их байна.
Шинжилгээний уламжлалт аргууд нь тогтвортой зах зээлийн үед ажиллаж байсан бол өнөө цагт зах зээл хэт тогтворгүй урьдчилан таамаглахад хэцүү болсон тул дээрх загварыг өргөтгөсөн Maudos and Fernandez de Guevara (2004)-ны загварыг түлхүү хэрэглэх болсон.
