Конвенинс дэлгүүрээр үйлчлүүлэгчдийн зан төлөвийн судалгаа

Abstract

“Конвенинс дэлгүүрийн” үйлчилгээний салбар нь Монголчуудын хувьд цоо шинэ нээлт болсон. Үйлчлүүлэгчдэд өмнө нь санал болгож байгаагүй бизнес загварыг шингээсэн үйлчилгээний салбарт тав тухтай, үнэ цэнэтэй, олон төрлийн шинэ, эрүүл бүтээгдэхүүн, орчин, сонголтыг санал болгосноор зах зээлд томоохон байр суурийг бий болгож "БҮХ ЗҮЙЛ ХЯЛБАР“ хэмээх зарчмаар ажиллдаг. Залуу үеийнхний хоолны сонголтын өөрчлөлтийг мэдэрч чадсан бизнес юм. 2018 онд анхны Конвенинс дэлгүүрийн франчайз нээлтээ хийснээр өдийг хүртэл хурдацтай хөгжин дэвшилт үзүүлэн тав тухтай, үнэ цэнэтэй, олон төрлийн шинэ, эрүүл бүтээгдэхүүнийг санал болгосноор хүчтэй өрсөлдөөнийг бий болгосон. Xөдөлгөөн ихтэй тохиромжтой газарт жижиг хэмжээ, өөрчлөгдөж буй орчин, хэрэглэгчдийн хүсэл сонирхолд нийцүүлэн, супермаркетууд болон бусад хүнсний жижиглэнгийн худалдаачидтай харьцуулахад илүү уян хатан байдал. Салбарын санал болгож буй бүтээгдэхүүний хольцыг улам өргөжүүлж, тамхи гэх мэт эд зүйлээс илүү ашигтай хүнсний бүтээгдэхүүнийг оруулж, түргэн, хялбар хоолны сонголтыг хангахад илүү их анхаардаг.

Манай улсын хэрэглэгчид олон улсын стандарттай нийцсэн үйлчилгээ авах хүсэл, эрэлт олширсноор үйлчлүүлэгчдийн зан төлөвийг судлах нь ихээхэн ач холбогдолтой юм. Энэхүү дипломын ажлын гол зорилго нь Конвенинс дэлгүүрээр үйлчлүүлэгчдийн хэрэгцээ, шаардлагыг илрүүлэх, насжилт, хүйс, орлогоос хамаарсан зан төлөвийг тодорхойлох ба түүнчлэн үйлчлүүлэгчдийн худалдан авалтын түргэн хоолны хэрэглээний давтамжийг тодорхойлж нөлөөлөх хүчин зүйлсийг илрүүлэх, судалгааны үр дүнд үндэслэн тус бүрт зориулсан оновчтой санал зөвлөмжийг боловсруулахад оршино.