Хураангуй:
Экспорт нь эдийн засгийн хөгжлийн нэг тулгуур байж болох билээ. Гэвч манай улсын гадаад худалдааны хэт өндөр хамаарал нь жил бүр өсөж байгаа бөгөөд цаашлаад эдийн засгийн тогтворгүй байдлыг үүсгэж болзошгүй. Тийм учраас экспортыг өөр улс, өөр бүтээгдэхүүнд тараан байршуулах нь зайлшгүй шаардлагатай. Энэхүү судалгааны хүрээнд Монгол улсын гадаад худалдааг өргөжүүлэх боломжтой эсэхэд хариулт өгөх зорилгоор экспортын гол түншлэгч 23 улсыг сонгон авч 2005-2017 оны хоорондох өгөгдөлд стохастик муруйн гравитацын загварыг үнэлэв. Судалгааны үр дүнд гадаад худалдааг цаашид өсгөх потенциал бий боловч хилийн цаадах хязгаарлалтууд үр ашиггүй байдал үүсгэдэг. Үүнийг шийдэх 1 арга нь чөлөөт худалдааны хэлэлцээр байгуулах байж болно.
