Хураангуй:
“Орлого ба хөрөнгийн татварыг давхардуулж ногдуулахгүй байх, татвар төлөхөөс
зайлсхийх явдлаас урьдчилан сэргийлэх тухай хэлэлцээр” /цаашид Давхар татварын
гэрээ гэх/ нь татварын холбогдолтой харилцааг зохицуулж буй Монгол улсын хуультай
нэгэн адил үйлчлэх хуулийн чадамжтай, Монгол улсын нутаг дэвсгэр дээр болон
хилийн чанадад үйл ажиллагаа эрхэлж буй гадаад, дотоодын хуулийн этгээдийн
зайлшгүй судлан мэдэх шаардлагатай хууль эрх зүйн зохицуулалтын албан ёсны
баримт бичиг юм. ДТГ-ний үндсэн зорилго нь хэлэлцэн тохирогч улсуудын татвар
ногдуулах эрхийг хуваарилах, татварыг давхардуулан ногдуулахаас сэргийлнэ. Монгол
улсын хувьд татварын давхардалтыг бууруулах зорилгоор нийт 35 гэрээг хийж байсан
хэдий ч муу давхар татварын гэрээнээс үүдэлтэй татварын орлогоо дотоодын аж ахуй
нэгжүүдээс багаар аль эсвэл бүр татвар ногдуулалгүй үйл ажиллагаа явуулснаас болоод
эдийн засаг, байгаль экологийн хувьд хохирч байгаа билээ. Иймд давхар татварын
гэрээний хэрэгжилтийг судалж үүнд үнэлэлт дүгнэлт өгч сайжруулах арга замыг
тодорхойлох нь бидний тулгамдсан асуудал болоод байгаа юм.
