Хураангуй:
Монгол улсын эдийн засгийн чадавх сүүлийн жилүүдэд өсөн нэмэгдэхийн хэрээр
үндэсний бизнес эрхлэгч аж ахуй нэгж байгууллагууд бизнесээ болон компаниа
үнэлүүлэх, мөн хөрөнгө оруулагчид нэмэгдэх хандлага идэвхжиж байна. Компанийн
зорилгыг ашгийг хамгийн дээд түвшинд хүргэх гэж тодорхойлдог байсан үе өнгөрч
тухайн компанийн үнэ цэнийг хамгийн дээд түвшинд байлгах гэж тодорхойлдог
болсон билээ. Тиймээс үнэ цэнийг нэмэгдүүлэх, компанийн тасралтгүй, тогтвортой
хөгжил дэвшилд хүрэхийн тулд компанийн дотоод үнэ цэнийг үнэн зөв бодитоор
хөрөнгө оруулагчид нь мэддэг байх ёстой. Эдийн засгийн хөгжил нь бизнесийг худалдан
авах, хөрөнгө оруулалт хийх хөшүүрэг болдог.(Д.Барсболд, Бизнесийн үнэлгээний
онолын хөгжлийн хандлага, 2012) Ялангуяа дотоодын аж ахуй нэгж компаниудад урт
хугацаатай хөрөнгө оруулалт татах, бизнесээ нэгтгэх, задлах, худалдах-худалдан авах,
бизнесийн хохирол тодорхойлох, хувь эзэмшил бий болгох зэрэг компанийн үнэлгээ
хийлгэх олон хэрэгцээ, шаардлага бий болоод байна. Компанийн үнэлгээ хийхэд олон
улсын шаардлагад нийцсэн, чанартай үнэлгээ хийх арга зүйг ашиглах, мөн гадны
үнэлгээний агентлагуудын боловсруулсан арга, техник, мэдээллийн санг авч хэрэглэх,
ОУ-ын стандарт шаардлагыг сайн хангаж, үнэлгээний ажлыг илүү үр дүнтэйгээр
судалгаа шинжилгээ хийх юм. Уг судалгаанд хорогдуулсан мөнгөн урсгалын шинжилгээ
( FCFF, FCFE) болон үржүүлэгч болон бусад харьцааны аргуудаар АПУ ХК-ийн
хувьцааны шинжилгээг хийж компанийн үнэлгээг илүү бодитойгоор үнэ цэнийг
тооцож, хөрөнгө оруулалтын зөвлөмж боловсруулсан болно.
