Хураангуй:
Энэхүү ажил нь Монголын үйлчилгээний байгуулагууд дундаа хүүхэд
залуучуудын үйлчлүүлэх дуртай энтэртайнмент чиглэлээр чиглэлээр үйл ажиллагаагаа
явуулж буй байгууллагын соёлын судалгаа юм. Өнөөгийн кино теaтрын салбарт маш
дээгүүр байр суурийг эзэлдэг “Нью Тур Сафарис ХХК”-г жишээ болгон судлахаар сонгон
авсан болно.
Өндөр хөгжилтэй бусад орнуудын хувьд үйлчилгээний салбар нь тэдний ДНБ-ний
ихэнхи хувийг бүрдүүлж байдаг. Жишээлбэл АНУ-ын ДНБ-ний 76.9%, Япон улсын 76.5%-
ийг үйлчилгээ үйл ажиллагааны салбар дангаараа бүрдүүлдэг байна. Харин
Улаанбатарын бүсийн ДНБ-ийн 85.4 хувь нь уг салбараас бүрддэг байна. Сүүлийн
жилүүдэд бөөний болон жижиглэн худалдаа, чөлөөт цагаа зөв боловсон өнгөрөөх орон
зай, тээвэр агуулахын аж ахуй, санхүүгийн гүйлгээ хийх үйл ажиллагаа үл хөдлөх хөрөнгө
түрээс, бизнесийн бусад үйл ажиллагааны салбарт мэдэгдэхүйц өсөлт гарч байна. Гэвч
үйлчилгээний салбар өргөжин тэлж байгаа ч үйлчилгээний чанар, хүртээмж
шаардлагын түвшинд хүрэхгүй, үйлчилгээний үнэ хөлс нь өндөр байна. Манай орны нийт
ААН-ийн 88.2% нь үйлчилгээний чиглэлээр үйл ажиллагаа явуулдаг бөгөөд сүүлийн
жилүүдэд үйлчилгээний байгууллагуудын тоо улам бүр нэмэгдэж байна. Үйлчилгээний
салбарын тоо нэмэгдэж байгаагийн хирэээр тэнд ажиллах хүчний тоо ч бас өсч байна.
Харин үүнийг дагаад доорх асуудлууд гарч ирдэг байна.
• Үйлчилгээний байгууллагын ажиллагсдыг идэвхижүүлэх
• Жигд чанартай үйлчилгээ үзүүлэх хөшүүргийг бий болгох.
• Үйлчилгээний ажилтнуудын ажлын чанар, гүйцэтгэлийг бодитоор үнэлэх
• Ажилтнуудын шилжилт хөдөлгөөнийг удирдах
• Үйлчилгээний ажилтнуудыг бэлтгэх, сургах
• Үйлчилгээний ажилтнуудын соёлыг дээшлүүлэх гэх мэт асуудлууд тасралтгүй
гарч ирсээр байна. Эдгээр асуудлууд нь тодорхой хмжээнд судлагдсан боловч ихэнхи
судалгаа зөвхөн онол талаас харсан байдгаас бодит байдалтай зөрчилдөх тохиолдол их,
практик дээрх бодит үнэнийг буулгасан судалгаа ховор байгаа учир өнөөг хүртэл судлах
хэрэгцээ шаардлага байсаар байна. Тийм ч учраас миний зүгээс кино театрын салбарыг
сонгон тэдгээрийн байгуулагын доторх соёлыг судлах, шийдвэрлэх арга замыг гаргаж
ирэхээр сонгон авсан. Харин уг судалгааны үр дүнд “Өргөө синема” нь ерөнхийдөө уг байгууллагын ажилчид соёлдоо уусан нэгдэж чаддаг хэдий ч сэтгэл ханамжын хувьд илүү уян хатан чанарыг хүсэмжилдэг болох нь бүх хүчин зүйлийн хувьд харагдсан.
