Хураангуй:
Энэхүү дипломын ажлаар макро зохистой бодлогын талаарх судалгааны бүтээл болон онолын хөгжлийг түүчээлэн эмхтгэн судалсан бөгөөд ингэснээр салбарын судлаачдын дэвшүүлсэн таамаглал, судалгааны үр дүнг эмпирик төвшинд шалгасан билээ. Үүнийг ЭЗХА-ны 24 улсуудын 2002-2017 оныг хүртэлх хугацааны урттай өгөгдөл ашиглан ОСҮИ-ийн хэлбэлзэл болон зээлийн тогтворгүй байдлыг тус тус санхүүгийн зах зээлийн хэлбэлзлээр төлөөлүүлэн үүнд нөлөөлөх макро зохистой бодлогын арга хэрэгслийг Айрландо-Блондын динамик панел загварын үнэлгээгээр хийж гүйцэтгэв. Түүнчлэн статистик тайлан болон индексийн эмхтгэл ашиглан үнэлэлт, дүгнэлт гаргасан юм. Үнэлгээний үр дүнд дийлэнх орлогын бүлгүүдийн хувьд бодлогын арга хэрэгслийн индекс нь 2009 оноос эхлэн огцом өсөлттэй байна. Харин панел үнэлгээний хувьд орон сууцны үнийн хэлбэлзлийг өр өртгийн харьцаа бууруулах нөлөөтэй бол дотоодын зээлийн хязгаарлалт нэмэгдүүлэх нөлөөтэй байна. Түүнчлэн зээлийн хэлбэлзлийн загварын үнэлгээнд гадаад валютын зээлийн хязгаарлалт, хөшүүргийн харьцаа, болон мөчлөг сөрсөн капитал нөөц нь уг тогтворгүй байдлыг бууруулах нөлөөтэй байв.
