Хураангуй:
Энэхүү судалгааны ажил нь Монгол улсад үйл ажиллагаа явуулж буй олон улсын сүлжээ зочид буудлын үйлчилгээний чанарыг GAP болон SERVQUAL загвараар үнэлж, дүгнэж, санал зөвлөмж боловсруулсан ажил юм.
Үйлчилгээ нь бодит бүтээгдэхүүнтэй адил чанарыг нь шууд хэмжих боломжгүй юм. Мөн үйлчлүүлэгчээс манай бүтээгдэхүүн чанартай юу гэж асуугаад шууд тодорхойлох боломжгүй юм. Үйлчилгээний чанар нь Монгол улсад төдийгүй дэлхий нийтийн хэмжээнд судлах ёстой сэдэв хэвээрээ байсаар байгаа. Тиймээс ч сүүлийн жилүүдэд манай улсад үйлчилгээний олон салбарт энэ сэдвээр хийгдэх судалгааны ажил нэмэгдсээр байна. Мөн тус сэдвийн хүрээнд судалгаа хийх болсон нь дээрх шалтгаантай.
Тус сэдвийн хүрээнд Shangri-La, BWPT, Kempinski зочид буудлуудын Online Review дээр үйлчилгээний чанарын хүчин зүйлийн үнэлгээ хийсэн. BWPT зочид буудлын нүүрэн талын албаны менежерүүдээс одоо баримталж буй үйлчилгээний чанарын системийн талаарх ярилцлагын судалгаа хийсэн. BWPT зочид буудал дээр SERVQUAL загвар ашиглан үйлчилгээний чанарын судалгаа хийсэн. Дээрх шинжилгээнүүдийг нэгтгэж дүгнэлт гарган, санал зөвлөмж боловсруулан ажилласан.
Судалгааны ажлын зорилго, зорилтод хүрч ажилласан бөгөөд цаашид олон улсын сүлжээ зочид буудал гэлтгүй Монгол улсын хэмжээнд үйл ажиллагаа явуулж буй томоохон зочид буудлууд олон улсад хүлээн зөвшөөрөгдсөн үйлчилгээний чанарыг хэмжих загварыг үйл ажиллагаандаа нэвтрүүлж ажиллах нь зочид буудлын үйлчилгээний чанарын сайжруулалтад эерэг ач холбогдолтой гэж үзэж байна.
