Хураангуй:
Бүтээгдэхүүний үнэ тогтоолт нь салбар бүрийн хувьд хамгийн чухалд тооцогддог үзүүлэлт юм. Даатгалын салбарын хувьд даатгуулагч бүрийн эрсдэлийг үнэлэх замаар тэдгээрт тохирсон бүтээгдэхүүний хураамжийг тооцох үйл явцыг андеррайтингийн үйл ажиллагаа гэж нэрлэдэг. Гэтэл манай улсын даатгалын компаниудын санал болгож буй үнэ даатгуулагчийн бодит эрсдэлд суурилдаггүй тул энэ нь морал хазард болон муу сонголтын асуудлыг үүсгэх эрсдэлийг нэмэгдүүлж байна. Салбарын хувьд бүтээгдэхүүний үнийг даатгуулагчийн бодит эрсдэлд суурилсан байдлаар тогтоож эхэлснээр даатгуулагчдын сэтгэл ханамж нэмэгдэж, даатгалын компанийн ашигт ажиллагаанд эерэг нөлөө үзүүлэх боломжтой. Энэхүү судалгааны ажилд тээврийн хэрэгслийн даатгалд тухайн даатгуулагчийн эрсдэлийг үнэлэх замаар андеррайтингийн шийдвэр гаргалтыг боловсронгуй болгоход судалгааны ажлын зорилго оршино.
