Зам, замын байгууламжийн хөдөлмөрийн үнэлгээг боловсронгуй болгох нь

Abstract

Салбарын хүчин чадлыг дээшлүүлэхийн тулд салбарын үндсэн нэгж болсон авто замын

үйлдвэрлэл эрхэлсэн үндэсний компаниудын хүчин чадлыг сайжруулах ёстой. Одоогоор

тоотой хэдэн компаниудаас бусад компаниудын үйлдвэрлэлийн бааз, машин механизм,

шинэ техник технилоги, ажиллах боловсон хүчин сайн бэхжээгүй байна. Энэ нь замын

компаниуд өөрийн хүчин чадлаас хэтэрсэн хэмжээний барилгын ажил авах, улмаар

ажилчид, мэргэжилтнүүдийн мэдлэг, ур чадвар, цаг хугацаа, тоног төхөөрөмжийн

асуудлаас болж чанарын асуудал хаягдах зэрэг сөрөг үр дагаврыг авчирсаар байна.

Зам барилгын ажилчдын цагийн тарифт цалингийн жишгийг 2010 оноос хойш

мөрдөж байгаа ба тарифт цалинг нэмэгдүүлээгүй байна. 2010 оноос хойш хөдөлмөрийн

хөлсний доод хэмжээ даруй 3 дахин нэмэгдсэн байхад цагийн тарифт цалин хэвээрээ

байгаа нь авто замчдын хөдөлмөрийн үнэлгээг үнэгүйдүйлээд зогсохгүй мэргэжлээрээ

ахиж дэвших амьдралаа залгуулахад хүндрэлтэй байна. Иймд би авто замчдаас одоогийн

болон авахыг хүсч буй цалингийн талаар судалгаа хийж, шинэ тарифт цалин гаргахаар

зорилоо. Судалгаандаа авто замын салбарын ажилчдыг оролцуулан нийт 249 оролцогчийн

судалгааны өгөгдөлд боловсруулалт хийсэн. Судалгааны арга зүйгээр чанарын судалгааны аргыг өргөн ашиглаж, статистикийн SPSS-20 программаар судалгааны үр дүнгээ боловсруулж шинжилгээ хийсэн болно.