Хураангуй:
Энэхүү судалгааны ажил нь шингэн хүнсний компаниудын КНХ-ын үйл ажиллагаануудыг компанийн бүтээгдэхүүний брэнд эквититэй хэрхэн холбогдож нэмэгдүүлж байгааг судлахад оршиж байгаа билээ. Манай улсад шингэн хүнс импортоор орж ирэхээс гадна дотооддоо үйлдвэрлээд удахгүй 100 гаруй жил болох гэж байгаа бөгөөд уг салбарт жил ирэх бүр бүтээгдэхүүний тоо хэмжээ, төрөл өсч импортын бүтээгдэхүүний тоо хэмжээ дагаад буурч байна. Энэ нь манай дотоодын компаниуд өрсөлдөөн хэр хурдацтай явагдаж байгаа нь харагдаж байна. Шингэн хүнсэнд ус ундаа, шүүснээс гадна согтууруулах төрлийн ундаа ордог ба энэ салбарын тэргүүлэгч байр сууринд үйл ажиллагаа явуулж компаниуд энэ төрлийн бүх бүтээгдэхүүнийг үйлдвэрлэдэг талаар салбарын судалгаа хэсэгт доор хүснэгтээр харууллаа. Үүнтэй ч холбоотойгоор КНХ-ын үйл ажиллагаа ихээхэн хийдэг нь олон нийтэд ажиглагддаг. Иймээс нэгэнт тодорхой хэмжээний КНХ-тай холбоотой ажлуудад хөрөнгө зарцуулан хийж байгаа ажлуудыг бүтээгдэхүүний брэнд эквитэд хэрхэн нөлөөлж, хэрэглэгчдэд хэрхэн эерэг мэдлэг олгож байгаа талаар судлахыг зорьлоо. Судалгааны объектоо шингэн хүсний салбарын тэргүүлэгч байр сууринд үйл ажиллагаа явуулж буй “АПУ” ХК, “М Си Эс Кока Кола” ХХК, “ЖЕМ ИНТЕРНЭШНЛ” ХХК, “ЖИ ЭН БЕВЕРЕЖИС”ХХК, “ВИТАФИТ ГРУПП” ХХК сонгон судаллаа. Онолын судалгааны хувьд Аакерын брэнд эквитигийн загварыг сонгон судалсан бол КНХ дээр Карролын КНХ онолыг сонгон судлахыг зорьлоо. Судалгаандаа хэрэглэгч талаас, ажилтан талаас гэсэн 4,4 таамаг дэвшүүлсэн бөгөөд Судалгааны үр дүнд хэрэглэгч талаас 2 таамаг маань батлагдаж, ажилтан талаас 1 таамаг батлагдсан хэдий ч тухайн хүчин зүйлсийн хувьсагчын тоо нь хангалтгүй хэмээн судлаач миний бие үзэж байна. Нөгөөтэйгүүр ажилтан талаас ХБО КНХ-тай холбоотой таамаглал урвуу хамааралтай гарсан нь ажилтан судалгаанд хамрагдах явцдаа судалгааны асуултыг хайхрамжгүй бөглөсөн эсвэл байгууллагынхаа талаар КНХ-тай холбоотой ажлуудыг хайхардагггүй гэж судлаач миний бие таамаглаж байна.
