Банкны салбар дахь зээлийн нөхцөл байдлын судалгаа

Abstract

Монгол улсын банкны санхүүгийн салбарын 90 гаруй хувийг бүрдүүлэгч банкны салбарын 2000-2018 он хүртэл олгосон, буцаан төлөгдсөн болон үлдсэн зээлийн ангиллаарх мэдээлэлд үндэслэн Монголд дутмаг ашиглагддаг шинэлэг, урт хугацаанд төлөвлөлт хийх боломжтой Марковын гинж загвар ашиглан банкны салбарын хэвийн үйл ажиллагааг алдагдуулах чанаргүй зээлийн нөхцөл байдлын судалгааг хийж гүйцэтгэлээ. Судалгааны үр дүнд хэвийн болон хугацаа хэтэрсэн зээлийн 88% нь төлөгдөж, 12% нь чанаргүй зээл болдог. Харин чанаргүй зээл/хэвийн бус болон эргэлзээтэй/ зээлийн 28% нь төлөгдөж, үлдэгдэл 72% нь төлөгддөгүй муу зээл болдог байна. Мөн 2018 оны 17 их наяд төгрөгийн үлдэгдэлтэй зээлийн 1 их наяд төгрөгийн зээл муу ангилалд шилжсэн бол үлдэгдэл 16 их наяд төгрөгийн зээлийн 15.1 их наяд төгрөгийн хэвийн, хугацаа хэтэрсэн, хэвийн бус, эргэлзээтэй ангилагдсан зээл төлөгдөж 0.9 их наяд төгрөгийн зээл муу ангилалд шилжинэ гэсэн үр дүн гарсан билээ.