Хураангуй:
Монголын үүрэн холбооны салбарт үйл ажиллагаа эрхэлж буй байгууллагуудын борлуулалтын ажилтнууд нь байгууллагын хэрэглэгчид рүү чиглэсэн тогтмол харилцаа холбоог хөгжүүлж байдаг. Аливаа байгууллагыг төлөөлөн харилцагчидтай харилцаж байдаг борлуулалтын ажилтнууд нь ёс суртахуунтай зан төлөвийг бий болгосноор харилцагч байгууллагуудаа үнэнч хэрэглэгч болгоход нөлөөтэй гэж олон судалгааны ажлууд нотолсон байна. Иймээс манай улсын үүрэн холбооны салбарын “байгууллагын” сегменттэй харилцаж буй борлуулалтын ажилтнуудын ёс суртахуунтай зан төлөвийг харилцагчид хэрхэн хүлээн авдаг болон энэ нь сэтгэл ханамж, үнэнч байдалд нь нөлөөлж буй холбоо байгаа эсэхийг эмпирик судалгаагаар нотолж, байгууллагын хүний нөөцийн удирдлагын хувьд ёс суртахуунтай зан төлөвийг бүрдүүлэхэд чиглэгдсэн санал зөвлөмжүүдийг боловсруулах зорилгоор энэхүү судалгааг гүйцэтгэсэн болно.
