БАНКНЫ САЛБАРТ БЛОКЧЕЙН ТЕХНОЛОГИЙГ НЭВТРҮҮЛЭХ АРГА ЗАМ

Abstract

Интернет дэлхийг хэрхэн өөрчилсөнтэй адилаар Блокчэйн олон салбарт уламжлалт

хэв маягийг эвдсэн өөрчлөлтийг авчирхаар байгаагийн дотор санхүүгийн салбарт тэр

дундаа төлбөр тооцооны системд нэн тэргүүнд нэвтрэх бололцоотой хэмээн үзэж

дэлхийн томоохон банкууд, финтек компаниуд, хөрөнгө оруулагчид хамтран

туршилтууд хийсээр байна.

Банкууд блокчэйн технологийг ашиглан улс хоорондын, банк хоорондын

гүйлгээний бизнес загварыг өөрчилж, илүү хялбар, зардал багатай болгох боломжтой гэж

үзэж байгаа юм. Дэлхийн томоохон төв банкууд блокчэйн технологид суурилсан төв

банкны дижитал мөнгийг банк хоорондын төлбөр тооцоонд нэвтрүүлснээр илүү хялбар,

үр ашигтай болгох боломжийн талаар эрчимтэй судалж байна.

Технологийн шийдэл хурдтай өөрчлөгдөж байгаа энэ нөхцөл байдалд Блокчэйн

технологийг банкны салбарын тодорхой үйл ажиллагаанд нэвтрүүлэх боломж,

хэрэгжүүлэх арга зам, түүнийг хэрэгжүүлснээр үүсэх давуу тал болон сул талыг судлах

шаардлага байна гэж үзсэн юм.

Энэхүү судалгааг хийхдээ дэлхийн томоохон төв банкуудын блокчэйн технологийг

банк хоорондын төлбөр тооцоонд нэвтрүүлэхээр туршсан байдлыг судалж мөн салбарын

экспертүүд, төв болон бусад арилжааны банкны технологийн мэргэжилтнүүдтэй уулзаж

ярилцлагын аргаар өгөгдөл цуглуулсан бөгөөд түүндээ үндэслэн боломжит хэрэгжүүлэх

арга зам, дүгнэлт, санал зөвлөмжийг гаргасан. Мөн блокчэйн технологийг банк

хоорондын гүйлгээнд нэвтрүүлсэнээр гарч болох эдийн засгийн хэмнэлтийг тооцож үзсэн.