Хураангуй:
Аялал жуулчлал нь эдийн засгийн нэг хүчтэй салбар төдийгүй аялал жуучлалаар дамжуулж гадаад дотоодын хөрөнгө оруулалт, үйлчилгээний салбарын чанарын сайжруулалт, аж үйлдвэр болон тогтвортой хөгжлийн бодлого дагаад хөгжиж байдаг томоохон салбар юм. Сүүлийн жилүүдэд манай улсад зочлон ирэх гадаад аялагч, жуулчдын тоо жилээс жилд нэмэгдэж байгаагийн зэрэгцээ Монголчууд гадаад орон-луу бус дотооддоо үзэсгэлэнт газруудаар аялах нь ихэссэн байна. Гэвч үйлчилгээний салбарт үйлчлүүлэгчдэд санал болгож буй бүтээгдэхүүний төрөл, үйлчилгээний чанар зэргийг тогтмол хөгжүүлж, сайжруулах шаардлагатай.
Монгол улс нь аугаа их түүх, үндэсний соёл уламжлал, нүүдлийн аж ахуй, ховор ан амьтад, байгалийн гайхамшигт тогтоц, эрс тэс уур амьсгал гэх олон давуу тал байдаг бөгөөд энэ бүгдийг зөв зохистой хуваарилан дэлхий дахинд болон Монголыг зорин ирэх жуулчдад танин мэдүүлэх шинэ гарц нь аялал жуучлалын салбар болж байна. Тиймээс энэхүү судалгааны ажлыг Санхүү Эдийн Засгийн Их Сургуулиас хэрэгжүүлэн явуулж буй Бор Хярын Элс гэх туршилтын төслийн хүрээнд Завхан аймгийн Ургамал суманд Тогтвортой аялал жуучлалын гарааны компанийн бизнес төлөвлөгөө боловсруулсан болно.
