Хураангуй:
Монгол улс ноолууран бүтээгдэхүүнээрээ дэлхийн ноолуурын зах зээлд томоохон хувь нэмэр оруулдаг улсуудын нэг ба БНХАУ-ын дараа хоёрт ордог томоохон үйлдвэрлэгч орон юм. Монгол улсын хүний эрхийн үндэсний комиссоос 2017 онд “Монгол Улс дахь хүний эрх, эрх чөлөө”-ний байдлын талаарх судалгаа хийгдсэн байна. Судалгаанд ноос, ноолуурын компанийн ажилчдын хөдөлмөрлөх эрх зөрчигддөг болох нь судалгааны үр дүнгээс харагдаж байна. Компанийн нийгмийн хариуцлагыг нийгэм рүү чиглэсэн талаас нь нэлээд судалж байна. Үүний нэгэн адил байгууллагын дотооддоо чиглэсэн нийгмийн хариуцлагыг судлах шаардлагтай байна. Судалгаанд ноолуурын компаниудын ажилчид руу чиглэсэн дотоод нийгмийн хариуцлагын харьцуулсан судалгааг СЭЗИС-ийн Бизнесийн удирдлагын тэнхимийн багш дэд профессор Т.Оюунгэрэлийн докторын диссертаци, Хөдөлмөр, нийгмийн хамгааллын судалгааны институтийн судалгааны асуулгаар чанарын судалгаа хийсэн. Судалгааны үр дүнд үндэслэн дүгнэлт өгч, холбогдох санал, зөвлөмжийг дэвшүүллээ.
