Хураангуй:
Энэхүү дипломын ажлын хүрээнд “Бяцхан тогоочдын урлан” хэмээх хүүхдүүдэд болон гэр бүлийн гишүүдэд зориулсан хоол хийх сургалтын төв байгуулах бизнес төлөвлөгөөг боловсруулах юм. Тус сургалтын төвд суралцсанаар хүүхдүүд өөрсдийн сонирхлын дагуу хоол бэлтгэх, хийж сурах, хоол, хооллолтын талаарх мэдлэгтэй болох юм. Мөн хүүхдүүдийн бүтээлч сэтгэлгээг хөгжүүлэх, бие даасан байдлыг нэмэгдүүлэх, хоолоор дамжуулан дэлхийн бусад улс орнуудын соёл, ёс заншлыг суралцах, эрүүл хооллох амьдралын хэв маягийг дадалшуулах олон талын нөлөө бүхий үйл ажиллагаатай сургалт юм. Үүнээс гадна эцэг эхчүүд өөрсдийн чөлөөт цагаараа хүүхэдтэйгээ хамт ирэн өөрсдийн сонирхсон хоолыг хийж цагийг хамт өнгөрөөх боломжтой юм.
Энэхүү үйл ажиллагааг эхлүүлэхэд шаардлагатай зах зээлийн орчны бүрэн шинжилгээ судалгаа, үүнтэй холбоотой өөрсдийн старатегийн хувилбарууд, шаардлагатай төлөвлөгөөнүүдийг хийж, дүгнэлт бичиж боловсруулах юм.
