Хураангуй:
Энэхүү дипломын ажлын хүрээнд дискриминант шинжилгээний
арга зүй, хэрэглээг дэлгэрэнгүй авч үзлээ. Энэ шинжилгээний арга зүй нь чанарын үл
хамаарах хувьсагчдыг ашиглан хамааран хувьсагчдад таамаглал хийн ангилдгаараа
давуу талтай арга зүй билээ. Дискриминант шинжилгээ дотроо шугаман дискриминант
шинжилгээ, хэвийн дискриминант шинжилгээ, дискриминант шинжилгээний
шинжилгээ хэмээх бүрдэл хэсгүүдтэй байдгаас шугаман дискриминант шинжилгээ
судалгааны ажлуудад түлхүү хэрэглэж байна. Тус шинжилгээ нь вариацын шинжилгээ
(ANOVA), логистик регресстэй төстэй мэт боловч функц болон хэмжүүрүүдийн
шугаман хослолоосоо хамаараад ялгаатай үр дүн гарах нь бий. Судалгааны ажлын
хүрээнд онол арга зүйн олж авсан мэдлэг дээр тулгуурлан оюутны академик
гүйцэтгэлийг таамаглах шинжилгээ хийв.
