Хураангуй:
Сүүлийн 30 гаруй жилд Монгол Улсад банк, санхүүгийн салбар эрчимтэй хөгжсөн билээ. Банкны салбар хөгжин тэлэх тусам үүнтэй холбоотой судалгаа шинжилгээ хийх нь нэн чухал болж ирсэн ажээ. Үүний хүрээнд Монгол улсад үйл ажиллагаа явуулж буй 11 арилжааны банкны, 2011-2017 оны, нийт 77 санхүүгийн тайлангийн өгөгдлийг ашиглан арилжааны банкны ашигт ажиллагаанд нөлөөлөгч хүчин зүйлсийг тодорхойлохыг зорилоо. Үнэлгээнд панел хамгийн бага квадратын арга, санамсаргүй бөгөөд тогтмол нөлөөллийн загварыг тус тус ашиглав. Шинжилгээнээс харахад үйл ажиллагааны зардал, ДНБ нь сөргөөр нөлөөлдөг харин хүүний бус орлого, өөрийн хөрөнгө нь активын өгөөжид эерэгээр нөлөөлдөг байна.
