ХӨДӨӨ АЖ АХУЙН БИРЖ ДЭЭР ҮҮСМЭЛ ҮНЭТ ЦААСНЫ АРИЛЖААГ ХӨГЖҮҮЛЭХ АРГА ЗАМ

Abstract

Хэдийгээр 2017 оны 12-сараас эхлэн фьюерсийн арилжаа Монголын Хөдөө Аж Ахуйн Бирж дээр хийгдсэн боловч шинжилгээ хийх тоон мэдээлэл байхгүйн улмаас регрессийн шинжилгээг хийх боломжгүй харин үүний оронд тухайн арилжааг хөгжүүлэхэд нөлөө үзүүлэх хүчин зүйлсийн судалгааг хийх илүү тохиромжтой. Уг тандалтын судалгаа болгон экспертийн Дэльфи аргаар өгөгдөл мэдээлэл цуглуулж, цуглуулсан мэдээлэл дээр дүн шинжилгээ хийх “Novel Hybrid MCDM” аргыг сонгосон. Судалгаанд банк санхүүгийн салбар, хөрөнгийн бирж, төрийн байгууллага, төрийн бус байгууллага, эрдэм шинжилгээ, санхүүгийн боловсрол, судалгааны салбарт ажилладаг нийт 20 орчим экспертүүд оролцсон. Энэхүү судалгааны үр дүн биржийн үйл ажиллагааг идэвхижүүлэхэд хамгийн их нөлөө үзүүлэх хүчин зүйлсийн нэг “Салбарын орчин”-г сайжруулахын тулд “Оролцогчид”, “Хууль эрх зүйн орчин”, “Эдийн засгийн орчин” гэсэн үндсэн 4 хэмжүүрүүдийг сайжруулах шаардлагатай гэж ерөнхий дүгнэлт гарсан бөгөөд эдгээр хэмжүүрүүд дээр үндэслэн бодит үр дүнд хүргэх, стратеги төлөвлөгөө гаргах нь төслийн зорилго юм. Иймд энэхүү судалгааны ажилд таваарын үүсмэл үнэт цаасны гүйцэтгэх үүрэг, ач холбогдол, олон улсын туршлага мөн тандалтын судалгааны үр дүн зэргийг судалсны үндсэн дээр биржийн үйл ажиллагааг хөгжүүлэхэд зохион байгуулалт талаасаа тулгарч буй асуудалд ямар арга хэмжээ авбал зохих вэ гэсэн өнцгөөс судалгаагаа хийлээ.